كتبت : ندى سعيد
أجلت محكمة جنايات القاهرة، المنعقدة بمجمع محاكم التجمع الخامس، الحكم على طبيب جلدية متهم بهتك عرض فتاة داخل عيادته بالقاهرة الجديدة، إلى جلسة 4 فبراير الجاري.
وأوضحت تحقيقات النيابة العامة، أنه في ٢٠٢٤/٥/٢١ بدائرة قسم التجمع الأول، محافظة القاهرة قام طبيب جلديه بهتك عرض المجني عليها كاثرين ج. بالقوة بأن قام حال توقيعه الكشف الطبي عليها بكشف ملابسها حتى ظهرت عورتها، علي النحو المبين بالتحقيقات.
وقالت الفتاة: ” كنت تعبانة بمرض جلدي ورحت لطبيب جلديه بالتجمع، والمفروض الشهر اللي بعده أروح أزوره ولكن معرفتش اروح بسبب الشغل الكتير فروحت له يوم 15 مايو 2024، عشان اعمل متابعه ولما روحت كان فيه ناس كتيرة مستنية في العيادة، ولما دخلت العيادة روحت الريسيبشن وقلتلهم انا عندي معاد واستنيت لحد ما دوري جه”.
وتابعت الضحية: “ولما دخلت الأوضة اللي فيها الدكتور كان لوحده وقالى أنا حاطك في أول الكشف وانتي أولوية بالنسبالي، وأنا حبيت أشوفك الأول، وقولتله أنا معنديش أي مواعيد النهاردة ومش المفروض تعمل كده، فرد عليا وقال لي انتي مش مريضة عادية عندي انتي مهمة أوي بالنسبالي وده كان كلام غريب اوي بالنسبالي، وطلب مني إني اقعد على السرير وقلت له إني ظهر عندي مشاكل تانية حبوب في كف إيدي ومش عارفة أعمل إيه وبدأ يفحص إيدي فقالي إني اجي اعمل ايدي واعالجها وقت تاني”.
وأضافت الفتاة: “أنا قولتله لا لازم نعالجها دلوقتي عشان حاسة بألم جامد، فقالي عشان اعالجها لازم ندخل غرفة تانية هنا عشان نعمل عليها كي، وقالي افضل مستريحة في الاستراحة لحد ما يجهزوا الغرفة، وبالفعل طلعت واستنيت لمدة ربع ساعة في الريسبشن لحد ما جات واحدة من التمريض، قالتلي الغرفة جاهزة اتفضلي ادخلي”.
وتابعت: ” واول ما دخلت الغرفه الدكتور لمس أماكن حساسة من جسدي دون رضايا وبعدها بيوم بعت رسالة للعيادة ، وقلت لهم إن الدكتور تحرش بيا ومحدش رد عليا ، بعدها بيوم لقيت الدكتور بيكلمنى على تطبيق واتس اب و بيقولي انه معاملش حاجة، وأنه مش قصده يلمس أماكن حساسة من جسدي”.
Author Profile
-
إشعار خبر: منصة إخبارية سريعة تقدم أحدث الأخبار المحلية والعالمية، مع تغطية شاملة في مجالات الرياضة، الاقتصاد، الفن، والصحة، لتبقيك دائماً على اطلاع.
Latest entries
أخبار الرياضة14 مايو، 2025اتحاد الكرة يخاطب الأندية بشأن تراخيص العمل للاعبين
أخبار الرياضة14 مايو، 2025الأهلي يقترب من إنتهاء ملف المدير الفني قبل مونديال الأندية
تقارير وحوارات14 مايو، 2025الدولار يضغط على الأسواق: موجة غلاء جديدة تهدد القوة الشرائية للمصريين
تقارير وحوارات14 مايو، 2025أسعار السلع الغذائية تواصل التصاعد: الزيت والأرز على رأس القائمة
إشعار خبر: منصة إخبارية سريعة تقدم أحدث الأخبار المحلية والعالمية، مع تغطية شاملة في مجالات الرياضة، الاقتصاد، الفن، والصحة، لتبقيك دائماً على اطلاع.
