كتب: عزت مجدي
الساعات الاخيرة قال الكابتن احمد سليمان، عبر برنامج “اللعيب”، مع مهيب عبد الهادي، عن مهاجمته نادي بيراميدز، في استقطاب اللاعبين الضخمة وعدم الإستفادة منهم وتحقيق البطولات.
ولكن اصدر الكابتن محمد ناجي جدو، تويتة يهاجم فيها احمد سليمان، عضو نادي الزمالك.
وبدا الكابتن جدو حديثه قائلا:
الكابتن احمد سليمان طلع امبارح و هاجم بيراميدز و أندية الشركات قال علامات استفهام علي بيراميدز عشان مش بيدوهم لاعيبة و انهم بيشتروا لاعيبه وأنهم بيصرفوا كتير و بيدخلهم فلوس قليله و مش بيسيبوا لاعيبة تحترف !!!!
اولاً بيراميدز أداهم عمر جابر و دونجا و عبدالله السعيد و هما دلوقتي احسن لاعيبه في الزمالك و هل لو بيراميدز كلم الزمالك انهم عايزين زيزو مثلا الزمالك هيوافق ؟ و ماسيبتش زيزو يحترف ليه ؟!
ثانيا طبييعي ان بيراميدز يشتري لاعيبه و يقوي القايمة زي كل الفرق
ثالثا ممكن تقولنا يا كابتن احمد الزمالك بيصرف كام و بيدخله كام و هل بيكسبوا فلوس من الكوره اكيد لا. الزمالك دفع اكتر من مليار جنيه غرامات بس !! ف ممكن تقولنا الكوره في الزمالك بتكسب كام !!
رابعا من اول المجلس نجح في الانتخابات و كل لقاء تليفزيوني من اول الرئيس لأصغر عضو بيتكلم عن رمضان و عايزين رمضان صبحي مع انه متعاقد مع النادي لمده تلات سنوات و دي حاجة عمري ماشوفتها في اي حتة في العالم لا في مصر ولا بره مصر ان مسئولين نادي بيتلمكوا عن لاعب في نادي تاني و تعاقدوا ساري لمده ٣ سنوات !!
بصراحة انتوا اللي عليكم علامات استفهام !!!
إشعار خبر نيوز هو موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميهمن اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://esharekhabar.com/https://www.youtube.com/@esharekhabar
