قالوا ده متفوق عشان معاه فلوس أكتر لحد ما جات أندية بتصرف مليارات فى مصر و أندية أجنبية بيمتلكها أباطرة الماس و أغنى أغنياء القارة والنتيجة لسه إن الأهلي متفوق بفارق سنين ضوئية
قالوا بيكسب عشان مقر الكاف فى مصر لحد ما ظهر لقجع و سيطرت المغرب ع الكاف و النتيجة إنه لسه بيكسب و بيحقق بطولات من أندية المغرب نفسها رغم وضع مصر الضعيف داخل الإتحاد الافريقي
قالوا بيكسب بالتحكيم لحد ما شوفنا لقطة إينراموا و الظلم العلني في نهائي 2017 و قالوا بيكسب بمجاملة الكاف لحد ما شفنا جمهور الترجي بيعـ ـتد. ي ؏ أتوبيس البعثة و بيعـ9رو لاعب من الفريق كل ده والكاف ومسؤوليه بيتفرجوا زيهم زينا
قالوا بيكسب عشان معاه منتخب مصر لحد ما جات اللحظة إللي الأهلي راح يلعب كأس العالم للأندية بدون لاعبيه الدوليين و حقق برونزية وهزم بطل آسيا أربعة مع الرأفة ، قالوا أبوتريكة أعتزل ظهرلهم قفشة و إمام قالوا الحضري بطّل ظهرلهم الشناوي قالوا الشناوي اتصاب ظهرلهم أخطبوط إسمه شوبير
قالوا بيكسب عشان الدولة بتجامله لحد ما جيه الوقت اللي الدولة بتجامل فيه المنافس بشكل علني و واضح للكل قالوا زمنه إنتهى و ده زمن صن داونز والنتيجة إن الأهلي واقف على منصات التتويج وكل موسم بيلعب نهائي و صن داونز كالعادة بيخرج من البطولة بمنتهى السذاجة
قالوا بيكسب عشان أفريقيا ضعيفة والنتيجة إنهم بقالهم 20 سنة بيخرجوا حصالة من أفريقيا الضعيفة و بيلعبوا في أضعف نسخة فى تاريخ الكونفدرالية مع مراكز شباب مش عارفين يكسبوها في القاهرة وسط جمهورهم
قالوا بيكسب عشان بيفضي الأندية لحد ما جيه وقت المنافس كان بيشتري كل موسم بالـ 15 صفقة و بيراميدز بقى بياخد نجوم الأهلي ويدفعلهم ملايين و النتيجة إن المنافس و بيراميدز بيخرجوا حصالات كل سنة و الأهلي مكمل
قالوا الهلال هينهي أسطورته فأنهى هو أسطورة الهلال و إتحاد جدة و الدحيل و أندية مرتب لاعب فيها يساوي ميزانية الكرة فى الأهلي كاملة ، قالوا بلاعيبة الإسماعيلي لحد ما بطل يتعاون معاه والنتيجة إن الاسماعيلي من بعد وقف التعاون بينافس ه؏ الهبوط والأهلي مكمل زي ماهو
إحنا قدام حالة لن تتكرر بسهولة و إن تكررت لن يكررها سوى الأهلي.
باختصار يا سادة الإهلي عملة نادرة وحالة نجاح متفردة بتوفيق من الله وحدة.