كتبت: آروى الدكروري
قام الفنان أحمد سعد، بمداخلة هاتفية مع الإعلامي عمرو أديب، في برنامج “الحكاية”، الذي يُذاع عبر قناة “mbc مصر”، حيث علّق الفنان أحمد سعد، على إعلان عودته إلى طليقته علياء البسيوني، خلال حفلهُ في الساحل الشمالي، والدخول في فترة خطوبة جديدة.
ومازح سعد، عمرو أديب، مُعلقًا : “عمرك شفت حد خطب مراته؟”
ليرد أديب: “هو حد يعمل كده يا راجل”.
ويردّ سعد: “كان نفسي أقول إن حياة الفنانين مش مشوهة وكنت عايز أوصل رسالة، إن أي اتنين متخانقين يبعدوا عن كل الناس اللي حواليهم وأي حد بيوصلهم حاجة وحشة، أو حلوة، وأديت لنفسي فرصة أنا، وأم عيالي إننا نكلم بعض بدل ما حد ينقل عننا أي أخبار وننسى كل حاجة وحشة في فترة زعل أو عصبية ونرفزة ونبصّ على بعض بعين تانية فيها اعتبار لأولادنا”.
وسأله الإعلامي عمرو أديب: “يا أحمد إنتوا وضعكم إيه دلوقتي؟ هي خطيبتك ولا طليقتك ولا مراتك؟”.
ليردّ أحمد سعد: “هو رونالدو وجورجينا مش أحسن مني بس هو الفرق بيني وبينهم إنه عايش معاها أنا مش عايش معاها، أنا وخطيبتي بيننا عيال وكسبت كل حاجة”.
ليعقّب الإعلامي: “شاطر يا واد لئيم يا واد، مراتك صبورة وحمولة وليها الجنة”.
واختتم أحمد سعد كلامه لينهي الجدل القائم حوله منذ مدة: “إحنا هنتجوز بس هنعمل فرح كبير جدًّا، وهنعزم فيه ولادنا ويلبسوا نفس الفستان وعلشان مينفعش ما يحضروش فرح أبوهم وأمهم وهتبقى مناسبة جميلة إن الولاد ينبسطوا معانا، وهجيب ناس تغنّي في الفرح، وهعزم كل أصحابي، ابني هيلبس نفس بدلتي وبنتي هتلبس نفس فستان مامتها”.
ويُذكر أن آخر أعمال الفنان أحمد سعد، أغنية “الزين”، الذي طرحها خلال الأيام الماضية، عبر قناته بموقع الفيديوهات “يوتيوب”، التي تُعد أول تعاون بينه وبين الشاب خالد، وحققت نجاحًا كبيرًا
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar