كتبت/ ملك سيد
نشرت المطربة شذى ممدوح، تعليقًا على حسابها الرسمي عبر موقع تبادل الصور و الفيديوهات ” إنستغرام” تعتذر فيه للفنان تامر حسني.
كتبت شذى ممدوح، مُعتذرة لتامر حسني مُعلقة: “ من غير ما أفكر وأحاول ارتب الكلام إنت أكتر واحد في العالم عارف حبي ليك قد إيه وأكتر واحد برضوا عارفني وعارف أني على الله حكايتي ودماغي بتسوحني كتير، حقك عليا ودايما العتاب بيكون على قد الغلاوة وعلشان غلاوتك كتير هبت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو يا وش قفص قلبي”.
وقد تحدثت شذى ممدوح، في لقاء تلفزيوني لها على قناة ” دي إم سي” عن كواليس آخر أعمالها الفنية، قائلة: “أغنية ناجحة تجسد قصة حياتي”.
وواصلت شذى حديثها عن بعض أختياراتها السيئة مُعلقة: “دايمًا في حياتي اختياراتي غلط، وأظهر إنني شخصية قوية، لكن اختياراتي خاطئة في بعض الأحيان، اختياراتي السيئة تأخذ من طاقتي كامرأة وكفنانة، وأنا بسعى إني أعمل توازن في حياتي الشخصية وحياتي العملية”.
وأكملت شذى، حديثها في اللقاء عن مواصفات فتى أحلامها قائلة: “محتاجة راجل يؤمن بيا كإنسانة وفنانة، ودايمًا بقع في مشكلة عدم توافر الدعم الكافي”.
وتابعت شذى ممدوح، حديثها عن بداية مشوارها الفني، وقالت: “أهلي كانوا حابين موهبتي، لكن لم يتوقعوا أن احترف مجال الغناء والموسيقى، وكانوا يحبون تنمية موهبتي في الغناء”.
وأختتمت شذى حديثها عن والدها قائلة: “والدي كان صوته حلو أوي، وكنا بنقعد نغني أنا وهو كتير زمان، ووالدي ووالدتي كانوا داعمين لي مع أولى خطواتي الفنية”.
ومن آخر أعمال شذى ممدوح الفنية، أغنية “ناجحة” من كلمات محمود كلازا، وألحان كريم نيازي، وتوزيع أحمد عبد السلام، أغنية “ناجحة” هي ثاني أغانى شذى في موسم صيف 2024.
ومن كلمات أغنية ” ناجحة”: “شافني صغيرة علشان بكبر
والناس بتقول إن أنا ناجحة
مستكثر على قلبي الفرحة
وابتدا ينكر قيمتي ويجرح
بكلام زي السم بيوجع
شافني ضعيفة وتايهة وخايفة
ساذجة ومن الصعب تكون حاجة
نجحاتي دي كلها كذابة
كان شاطر جدا في القسوة
ولا كان بيحس ولا بيسمع
كان بيصنفني إني أنا تافهة
أضعف إنسانة في يوم شافها
كان يستنى الفرحة تزورني
علشان يستهتر بوجودها
الناس بتقول إني جميلة
لكن عنده قليلة الحيلة
الله لا يسامحك على وجعي
وأيامك ربنا ما يعودها
الله لا يسامحك على وجعي
وأيامك ربنا ما يعودها
قال في ألأول ده فخور بيّ ونجاحي ده هيكون له علامة
إتقلبت ليه فيلم دراما لما ضمني الحال تبدل
وماشوفتش غير عكس الآية
إبتدا يملي شروطه عليّ ويضايق لو يوم مبسوطة
كانت بايخة أوي الحدوتة ده بدل ما يكون سندي وظهري
كان بيحط بإيده نهاية
كان بيصنفني إني أنا تافهة
أضعف إنسانة في يوم شافها
كان يستنى الفرحة تزورني
علشان يستهتر بوجودها
الناس بتقول إني جميلة
لكن عنده قليلة الحيلة
الله لا يسامحك على وجعي
وأيامك ربنا ما يعودها
الله لا يسامحك على وجعي
وأيامك ربنا ما يعودها”.
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar