كتبت: يارا محمد
حل المطرب محمد عدوية في برنامج “حد النجوم”، والذي يعرض على القناة الأولي المصرية، من تقديم الإعلامية سالي عبد السلام، من مدينة العلمين الجديدة.
ومن أبرز تصريحاته :
“انبهرت بمدينة العلمين الجديدة حاجة مشرفة، والحمد لله إن فى حاجة حلوة فى بلدنا زى كدة، بلدنا جميلة وناسها جدعة، ودى تانى مرة ليا فى المهرجان حيث قدمت حفلة العام الماضى فى منطقة يو أرينا”.
محمد عدوية عن طقوسه قبل الصعود على المسرح:
“بحب أصلى وبقرأ قرآن، ومحبش أكلم حد، وبقفل تليفونى وأركز مع ربنا الأول ثم أتوكل على الله وأقدم الحفلة، مؤكدا أنه لا يتناول الطعام قبل الغناء وبيعوض الجوع بعد انتهاء الحفلة”.
وأضاف: “أغنية “وشوش الناس” كانت بدايتى الحقيقة فى الغناء ورفضها منتجين كتير، و”الطيب أحسن” كانت وش الخير عليا، وبحب الموسيقى وبصمم على الحاجة اللى بعملها ووالدى قاللى إسعى دماغك حلوة”.
واستكمل: ” أغانى المهرجانات مش سكتى، وانا مبرتحش مع حد، راجل مودى، وبحب الفنان محمد محيى، و الفنان عمرو دياب كلمنى وطلب منى لحن ألبوم “الطيب أحسن”.
يذكر أن من آخر أغاني المطرب محمد عدوية، أغنية “يا جدع” التي طرحها عبر قناته الرسمية في اليوتيوب، الأغنية توزيع محمد مرسال، كلمات الشاعر وليد الراعي.
وإليكم كلمات أغنية “يا جدع” :
“صدقت عيونوا لما
كان واقف وسط لمه
وبنظره من اللي هما
ميل عليا
وقولت طب وماله
وانا حالي زي حاله
والنظرة بعتهاله بس اللي هيا
يا جدع يا جدع
قلبي داب من الوجع
حن يلا بالكلام
حن يلا بالدلع
يا دلع دلع
ايوة قلبي صدقك
بس قلبي طمع
يا جدع يا جدع
انا قلبي من الولع
حن يلا بالكلام
حن يلا بالدلع
يا دلع يا دلع
قلبي شافك وسمع
ايوة قلبي صدقك
بس يا قلبي طمع
جربت وقولت اداري
وكفاية انه في بالي
مش قد الشوق يا غالي
ده كتير عليا
قربت تاني مرة
والضحكة في عينه طله
فاضل علي الحلو نظرة
اه يا جدع قلبي داب من الولع
حن يلا بالكلام
حن يلا بالدلع
يا دلع يا دلع
قلبي شافك وسمع
ايوة قلبي صدقك
بس قليي طمع
اه يا جدع قلبي داب من الولع
حن يلا بالكلام
حن يلا بالدلع
يا دلع يا دلع
قلبي شافك وسمع
ايوة قلبي صدقك
بس قلبي طمع
اه يا جدع”.
إشعار خبر نيوز هو موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميهمن اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
