كتبت : زينب يحيي
ازاي تعرفي تأخر ابنك لغوياً ، ومحتاج تأهيل تخاطبي، وازاي نحمي أولادنا من خطر تأخر الكلام .
** ( من سن سنة إلي سنتين) ..
– يقدر يقول جملة من كلمتين حصيلة اللغوية
– يكون بيفهم كلمة لا ويستخدمها
– ينطق اصوات بعض الحيوانات المألوفه
** ( من سن سنتين إلي 3 سنوات) ..
– يكون عارف 450 كلمة مفرده ويقول جملة من 3 كلمات
– يكون عارف من 3الي 4 الوان علي الأقل
– يربط الفعل بالاسم ويعرف يحدد نفسه بكلمة انا
** ( من سن 3 سنوات إلي 4 سنوات) ..
– يكون عارف اسمه بالكامل
– يكون عارف 1000 كلمة مفرده ويقدر يحدد الاشكال والالوان
– يقدر يستخدم السؤال بـ ( ليه، منين) والإجابة عليهم .
كيف تحمي إبنك من خطر تأخر الكلام ؟
• ابنك بيسمع وهو لسه جنين في الشهر الرابع اتكلمي معاه وهو هيكون سامع وحاسس بكل حاجه ايوة صدقيني هو سامعك .
• لما يوصل 3 شهور احكيله كل حاجه بتعمليها .
• ممنوع التلفزيون وقنوات الاطفال والموبايل والأيباد قبل سن 3 سنوات .
• استخدمي معاه اسلوب السؤال في الكلام .. مثال .. تشرب اية ؟ لبن ولا عصير عشان يكلم ويختار .
• الالتحاق بالحضانه من سن سنتين لازم يروح الحضانه اول ما يتم سنتين .
• ضرورة الأطمئنان علي حاسة السمع عند الطفل .
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar