أخبار الرياضة

أمير مرتضى منصور يثير الجدل بتصريحاته حول الأهلي والزمالك في برنامج “أسرار

esharekhabarnews 31 مارس، 2024

أمير مرتضى منصور: مثلي الأعلى من الأهلي وبقول لـ طارق حامد يبقى زي حسام غالي.. وعمري ما أروح الأهلي

شارك الخبر

كتبت/ رانيا إبراهيم محمود

أكد أمير مرتضى، المشرف السابق على الكرة بنادي الزمالك، أنه يملك مثل أعلى من لاعيبة النادي الأهلي، ويحث لاعيبة

الزمالك للوصول إلى هذا المستوى.

وقال أمير مرتضى، خلال استضافته ببرنامج “أسرار” مع الإعلامية أميرة بدر المذاع على قناة النهار: ” مفيش مشكلة أن مثلي

الأعلى يكون

النادي الأهلي، وأنا بكره فكرة أن علشان أبين أني زملكاوي أطلع أسف على الأهلي، واشتم فيه وأقل منه، أنا معنديش مشكلة

أبقى

متخانق مع حد من الأهلي خناقة كبيرة وطويلة، ولكن ده مبيقللش من أن الأهلي نادي جامد والزمالك نادي جامد، وفي حاجات

ناجحة في الأهلي بتستفزني وبتخليني عايز أعمل أفكار أحسن وأسبقها.

وتابع: عندي ناس كتير جدًا في الأهلي كنت واخدهم مثل أعلى لناس في الزمالك وبقولهم عايزين نبقى زي دول، زي حسام

غالي، كنت بقول لـ حازم إمام الصغير وطارق حامد عايزين نبقى زيه شوفوا شخصيته قوية واللاعيبة بتحبه وبتحترمه.

وأضاف: الأهلي فيه نماذج ناجحة بحبها زي عماد متعب، ومحمد شوقي، وأبو تريكة، معنديش مشكلة لو شوفت حد من دول

أقوله عايز أتصور

معاك أنا بحبك، أنا زملكاوي ومتربي في الزملك ومبحبش حاجة في مصر في الكورة غير الزمالك، ولكن ده مش معناه أني شايف

الأهلي معسكر العدو وناس من جنسية تانية.

واستكمل: أنا عمري ما أروح النادي الأهلي، ولا هما هيفكروا في كده، وعضوية أبويا العاملة في النادي مالهاش علاقة، أنا

ممكن أكون ساكن في المنطقة وده أقرب نادي ليا.

برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً،

تستضيف من خلاله عدد من نجوم الفن والرياضة والسياسة في مصر.

Author Profile

esharekhabarnews

موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية

https://esharekhabar.com/
https://www.youtube.com/@esharekhabar