معروف أن للزملكاوي قبل الأهلاوي، بلا شك الأهلي متفوق في كل الجوانب الفنية من الحراسة للهجوم، لكن ده مش كافي لأن في الغالب لو جيت حسبت آخر 10 سنين آخر 15 سنة أو حتى آخر 20 سنة هتلاقي كفة الأهلي مُرجحة فنيًا وعلى مستوى الأسماء.
ومع ذلك الزمالك أخد منك بطولات مباشرة وفاز عليك ماتشات عادي.
ماتش الأهلي والزمالك مطلوب فيه الدوافع اللي ماتقلش حاجة عن الفنيات.
آخر ماتش جمع بين الفريقين فاز فيه الزمالك رغم إنه أقل بكتير فنيًا عنك.
حتى لو كان في الأهلي غيابات فا بردو كنت أتقل من الزمالك في الملعب.. بس الزمالك كانت دوافعه أكبر.
ماتش بكرة مش سهل وده الطبيعي في ماتشات الأهلي والزمالك، الطبيعي إن الزمالك هينزل الملعب عنده تحفيز كبير إنه مايخسرش ماتش بالنسباله شبيه بليلة القرن، وفي نفس الوقت الأهلي هينزل عنده حافز أكبر إنه مايخسرش ماتش هيحاول جمهور المنافس واعلامه يساويه بليلة القرن.
– إذن أنت بتتكلم على 90 دقيقة بتمثل أهمية كبيرة عند الإتنين، ما بين فريق بيحاول يتساوى معاك في إنجازك عليه وما بين فريق بيحاول يمنع من إنك تساوي ده بده.. الفريقين بيدافعوا عن فكرة.
الدوافع أحياناً أهم من الفنيات، يهمني لعيبة الأهلي بكرة تكون نازلة في حالة نفسية وذهنية كويسة،. عندهم دوافع الفوز بأي شكل، لازم اللعيبة تكون نازلة معندهاش غير إني بعد الـ90 دقيقة أكون رافع كأس السوبر ومفرح جماهيري.
الجيل الحالي اتحط تحت ظروف متغيرة كتير وقدر ينجح فيها، أنا واثق فيهم وواثق إنهم قدها وإنهم يفرحونا في ليلة الـ27 ويكتبوا تاسعة جديدة بإسمهم.
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar