كتبت: ملك سيد
نشرت الإعلامية دعاء فاروق، مقطع فيديو لها عبر صفحتها الرسمية على موقع التواصل الاجتماعي “فيسبوك”، لتعبر عن غضبها الشديد من وضع أسئلة عن المساكنة ضمن البرامج الحوارية.
وتحدثت دعاء فاروق، خلال الفيديو مٌعلقة: “ الحديث عن المساكنة في وسائل الإعلام يعد تزيينًا لـ فعل الزنا، تسألوا على موضوع الناس اللي بتسكن مع بعضها قبل الجواز ليه؟ إيه المُلح في الموضوع علشان تحشروه بالعافية في حياتنا؟ هتروحي النار يا منيلة منك ليها، اللي بيسأل على ده بيعين الناس على الجهر، يعني متفتكرش وانت بتسأل إنك مالكش دعوة، إنت بتتطلع الموضوع والناس تدور، يعني لو واحدة متجوزة من 150 سنة واتطلقت وجوزها مات وكل حاجة خلصت، وقبل ما تتجوز كانت عايشة مع راجل، عيب تسألوا مينفعش دي حاجة تقرف”.
وواصلت الإعلامية حديثها: “ أصل ده قرآن كريم، ولا يحب الله الجهر بالسوء من القول، إلا من ظُلم ودي قصة تانية، ربنا مبيحبش الجهر بالمعصية واضحة وصريحة، لو واحدة اغتصبها ومخطوفة تقول، لكن واحدة راحت عملت علاقة في الحرام تقول؟ إذا بُليتم فاستتروا، ربنا يغفرلنا ويغفر للجميع يا رب”.
وأختتمت دعاء فاروق، مُعلقة: “ ليه تروح تقابل ربنا بمواضع ومحتوى مجاري؟ هو ده اللي بتأكل بيه عيالك؟ أنا مش بكلم اللي بيقول الرأي ميفرقش معايا، انتم أكيد ناس عاقلة وفاهمين الصح من الغلط، اللي يهمني الشباب والبنات والقائمين على البرامج اللي بيحطوا الأسئلة دي، أنا عارفة إنهم من بيئة كويسة ولكن ليه تعملوا كده؟”.
موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه
من اخبار وفن ورياضة واقتصاد واحداث جارية ويهتم بالصحة والتعليم والتنمية المحليةhttps://www.youtube.com/@esharekhabar