كتبت/ ملك سيد
قامت الإعلامية ريهام سعيد، بحذف جميع صورها عبر صفحتها الرسمية بموقع تبادل الصور و الفيديوهات ” إنستغرام” ووجهت رسالة مؤثرة لطبيب التجميل اللبناني نادر صعب، الذي دمر حياتها.
وكتبت ريهام سعيد، في رسالتها التي وجهتها للطبيب مُعلقة: “ نادر صعب انت دمرت حياتي ده و لا عشان ميديا و لا قضايا انت لازم تعيش و انت فاهم انكً دمرت حياتي و مستقبلي أنا مسحت الصور القديمه لأني مش قادره أشوفها و أشوف اد ايه انت دمرتني و اد ايه أنا كنت جميله”.
وواصلت ريهام سعيد حديثها في منشورها قائلة: ” و لا قادره أشوف صوري الجديده لأني مشوهه و مش أنا .. قريت تقرير الطب الشرعي؟ قريت ان في خطأ طبي؟ قريت اني مشوهه ؟؟؟؟ حسبي الله و نعم الوكيل فيك ربنا ينتقم منك يا رب و اي حد بينصرك عليه، أنا و لا حسه اني ست و لا حسه اني عايزه اعمل حاجه أنا انتهيت و انت السبب، قالوا لي ماتمسحيش كل الصور و كل حاجه عشان هاتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه ؟؟”.
وأكملت ريهام سعيد، حديثها موضحة حزنها الشديد بسبب ما فعله بها الطبيب مُعلقة: ” أنا كده كده خسرت هويتي بعد ما ضيعت عينيه مفيش اغلي من كده هاخسر، ماعداش يوم من غير ما ابكي من الحزن علي الي انت عملته فيه. (ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ ):صدق الله العظيم. بقالي ٨ شهور يجري في القضايا و لسه ماوصلتش لحاجه بس أوعدك الحق راجع و أكيد في يوم هاتحس انت عملت فيه ايه”.
وأختتمت ريهام سعيد، قولها وهي تستغيث بأحد من الأطباء يستطيع أن يعيد لها وجهاها من جديد قائلة: ” انا بستغيث باي دكتور شريف يقدر يحسن وشي مش للدعايه ولا المتاجره بيه، يا رب يارب يرزقني بدكتور يحييني بعد ما نادر صعب موتني، ارجو ان التعليقات المجرحه علي شكلي تقف لان مفيش فأيدي حاجه اعملها”.
موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه
من اخبار وفن ورياضة واقتصاد واحداث جارية ويهتم بالصحة والتعليم والتنمية المحليةhttps://www.youtube.com/@esharekhabar