أكد الفنان خميس شعبان عبد الرحيم، أن نجاح والده الراحل شعبان عبد الرحيم، جاء بعد دعوته أثناء تأديته مناسك العمرة،
بجانب الكشف عن تفاصيل خلافه مع الشاعر إسلام خليل.
وقال خميس شعبان عبد الرحيم، في لقائه مع الإعلامية إنجي هشام، في برنامج “المنسي”، المذاع عبر شاشة قناة
“هي”: هو كان بيودي ستي وأمي كل سنة العمرة، وهو في أول عمرة ليه وكلهم فهموه أن أول دعوة أول ما يشوف الكعبة
بتستجاب، ولقى ناس كتير أوي في رمضان، وأول ما شاف الكعبة قال والنبي يا رب ناس كتير زي دول يسمعوني ويتفرجوا عليا
وأنا بغني، حتى الدعوة بتاعته تضحك.
وعن أزمة الشاعر إسلام خليل، فقال خميس شعبان عبد الرحيم: عم إسلام لسة مكلمني دلوقتي، وهو كان ماشي مع أبويا
بطريقة وأنا جيت أكمل معاه قالي مفيش حد يكمل مكان أبوك، قولتله طب اعتبر نفسك بنيت عمارة وخلصتها وبتبني واحدة تانية،
وأنا عايز أفهمه أنه لغاية دلوقتي مش هيتعامل مع حد في الدنيا زي أبويا، في أي معاملة بأي طريقة، فهو عايز يتعامل معايا
بطريقة معينة وأنا لسة صغير يا عن إسلام، طول بالك عليا شوية.
وتابع: أنا غير أبويا أنا لسة صغير وعايز أشتغل وأطلع، أقف جنبي، مش أبويا وقف معاك وعمل أغنية تأليفك والعالم كله عرفك من
خلال أبويا؟ وأنت وقفت مع أبويا؟ خليك جدع معايا ومتسبنيش، قام سايبني، بس خدت منه 3 أغاني علشان الراجل ده غالي أنا
مش قده.
وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا،
طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل
التحديات التي واجهتهم على مدار مشوارهم الفني.
لمشاهدة الفيديو اضغط هنا
Author Profile
-
موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://esharekhabar.com/
https://www.youtube.com/@esharekhabar
Latest entries
تقارير وحوارات2 أغسطس، 2025“جثث تنتظر الحياة: داخل عالم التجميد الحيوي وأوهام العودة من الموت”
أخبار مصر22 يوليو، 2025نتيجة الثانوية العامة 2025 – احصل عليها الان
أخبار الرياضة14 مايو، 2025اتحاد الكرة يخاطب الأندية بشأن تراخيص العمل للاعبين
أخبار الرياضة14 مايو، 2025الأهلي يقترب من إنتهاء ملف المدير الفني قبل مونديال الأندية
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar
