تحدثت الفنانة لمياء الأمير، عن علاقتها بالزعيم عادل
إمام، وسبب غيابها 8 سنوات عن الوسط الفني، موضحة
أنها اختارت الحياة الأسرية على الفن.
وقالت لمياء الأمير في لقائها مع الإعلامية إنجي هشام، في
برنامج “المنسي”، المذاع عبر شاشة قناة “هي”: أنا بعتز
بـ عادل إمام بشكل غير طبيعي، بيعامل في اللوكيشن
أي حد زي أكبر حد ومفيش عنده نجوم، يا رب يدي له
الصحة والعافية.
وتابعت: غيبت 8 سنين عن الوسط الفني علشان بنتي
من أول ما كان عندها سنتين كانت محتاجاني، وقولت
مش هشتغل لغاية ما بنتي تشد حيلها، ومكنش عندي
أمل أني أرجع ولا نية، وقولت خلاص حياتي ولكن بنتي
كبرت وانفصلت أنا وجوزي بس إحنا صحاب لغاية
دلوقتي، وبعدين رجعت تاني للفن مع المخرجة إنعام
محمد علي في نونة الشعنونة، وبعدين مسلسل أم
كلثوم.
وأضافت: أنا نفسي أخد حقي في مساحتي للتمثيل
وأظهر إمكانياتي للناس، ولو رجع بيا الزمن مش هدخل
الفن لأنه وسط مرهق صحيًا وعصبيًا، وقولت مش
هوقف بنتي قدام كاميرا أبدًا، وأنا ضد أن اتنين يبقوا
متجوزين من الوسط، بيبقى في غيرة وتحطيم، ومكنش
ينفع أني أتجوز من الوسط.
وبرنامج المنسي، من تقديم الإعلامية إنجي هشام على
شاشة قنا هي، ويُعرض يوميًا في تمام الساعة العاشرة
مساءا، طوال شهر رمضان، ويحل عدد من نجوم الفن
ضيوفًا على برنامج المنسي، للحديث عن بدياتهم
وتفاصيل مشوارهم وتفاصيل التحديات التي واجهتهم
+على مدار مشوارهم الفني.
Author Profile
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar
Latest entries
تقارير وحوارات2 أغسطس، 2025“جثث تنتظر الحياة: داخل عالم التجميد الحيوي وأوهام العودة من الموت”
أخبار مصر22 يوليو، 2025نتيجة الثانوية العامة 2025 – احصل عليها الان
أخبار الرياضة14 مايو، 2025اتحاد الكرة يخاطب الأندية بشأن تراخيص العمل للاعبين
أخبار الرياضة14 مايو، 2025الأهلي يقترب من إنتهاء ملف المدير الفني قبل مونديال الأندية
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://www.youtube.com/@esharekhabar
