اخبار محلية

المحامي حمدي خليفة: تحصيل الأتعاب يصل لـ مليار ونصف جنيه.. وهخلي معاشات المحامين بين 15 و20 ألف جنيه

esharekhabarnews 22 فبراير، 2024

شارك الخبر

تحدث حمدي خليفة المحامي بالنقض ونقيب المحاميين السابق والمرشح على مقعد نقيب المحاميين، عن ملف معاشات المحاميين وخطته لزيادة المعاشات في برنامجه الانتخابي، لمقعد نقيب المحامين.

وقال حمدي خليفة، في حواره مع الإعلامي هيثم بسام، في برنامجه ورقة في ملف، المذاع عبر شاشة قناة النهار: بالنسبة لـ ملف المعاشات علشان أحل مسألة المعاشات بشكل جذري، أنا حسبتها لاقيت أني ببيع دمغة بـ 30 مليون جنيه سنويًا، وكل دمغة بيقابلها 50 جنيه أتعاب محاماة إذًا عندي مليار ونص جنيه دخل سنوي من أتعاب المحاماة، هعدل مشروع قانون المحاماة وهخلي أتعاب المحاماة من المنبع مباشرة.

وتابع: بالتالي أنا ضمنت إني باخد أتعاب المحاماة أول بأول مش عن طريق وزارة العدل أو المحاكم، يبقى بالتالي ده مبلغ متوفر سنويًا هقدر أوظف جزء كبير منه لزيادة المعاشات، بالإضافة إلى الفلوس اللي هوفرها بالنسبة لمسألة العلاج هوظف المبلغ ده لزيادة المعاشات.

وأضاف: أما بالنسبة للمعاشات وضعت مبدأ مهم جدًا، من المفترض بدي المحامي المشتغل كارنيه، لو هو مش مشتغل مش هدي له كارنيه، يبقى المعاشات بالكارنيه مش هرهقه وأطلب منه أدلة اشتغال وأرهق ورثته في حالة وفاته لاقدر الله، لذلك وضع في الاعتبار أن المعاش بالكارنيه، وبإذن الله بالحسبة اللي أنا حاسبها هيبقى المعاش مش أقل من 15 و20 ألف جنيه شهريًا، مش 3 و 4 آلاف جنيه اللي بنسمعه، الكلام ده لا يتوافق مع الزمن اللي إحنا فيه.

الجدير بالذكر أن الإعلامي هيثم بسّام يقدم برنامج ورقة في ملف عبر شاشة قناة النهار، ويذاع البرنامج يوم الخميس من كل أسبوع في تمام الساعة الرابعة عصرًا.

Author Profile

esharekhabarnews

موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه
من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية

https://esharekhabar.com/
https://www.youtube.com/@esharekhabar